Татар халык җыры

Биисе килә

Биючеләр, басыгыз,
Әйләнмәсә башыгыз.
Басыгыз, басыгыз,
Әйләнмәсә башыгыз.

Биючеләр, биегез,
Матур безнең көебез.
Биегез, биегез,
Матур безнең көебез.

Биючеләр биегәндә
Идәннәре бөгелә.
Ярышларда җиңеп чыктык,
Безнең биисе килә.

Тыпыр-тыпыр, тыпыр-тыпыр,
Тыпыр-тыпыр биергә,
Эшлибез дә, җырлыйбыз да,
Вакыт та бар биергә.

Тыпыр-тыпыр тыпырдашып,
Бергә басыек әле.
Уйнап-көлеп, җырлап-биеп,
Күңел ачыек әле.