Татар халык җыры

Тал бөгелә

Тәрәзә төбем исле гөл,
Иснә, дустым, исле ул;
Уртасында бер чәчәк бар —
Өзмим, синең төсле ул.

	Талы, талы,
	Талы бөгелеп тора.
	Тагын бер күрәсе килеп,
	Үзәк өзелеп тора.

Тәрәзә төбем исле гөл,
Рәхәтләнәм исенә.
Сәгать саен, минут саен
Син төшәсең исемә.

	Талы, талы,
	Талы бөгелеп тора.
	Тагын бер күрәсе килеп,
	Үзәк өзелеп тора.

Тәрәзә төбем исле гөл,
Мин ярата торган гөл.
Сине сагынып, җырлар җырлыйм —
Сагынуымны шуннан бел.

	Талы, талы,
	Талы бөгелеп тора.
	Тагын бер күрәсе килеп,
	Үзәк өзелеп тора.