Мәкальләр

Бердәмлек, дуслык

• Аерылганны аю ашар, бүленгәнне бүре ашар.

Гаилә, ата-ана-бала

• Ай белән кояш берәр генә була.

Тормыш фәлсәфәсе

• Азагын күрсәтмәсәң, башын башлама.
• Ай гел болыт артында гына тормый.
• Ай нурны кояштан ала.
• Акка кара төшсә югалмый.
• Аккан су кире кайтмас.
• Алга бар — артыңа кара.
• Алдыңа кара — кая барганыңны белерсең, артыңа кара — каян чыкканыңны белерсең.
• Алмазны балчык арасына ташласаң да, алмаз булыр.
• Артыңда ни барын белмәсәң — тотылырсың, алдыңда ни барын күрмәсәң — егылырсың.
• Аяз көннең яшененнән курык.
• Әз китерсәң сүгәрләр, күп китерсәң түгәрләр.
• Әздән күп була, күптән юк була.
• Әзнең чиген белмәгән күпнең чиген белмәс.
• Бакырны ни кадәр юсаң да, алтын булмас.
• Бата торган — еланга да тотына.
• Бер болыттан боз да явар, кар да, яңгыр да явар.
• Бер күктә ике ай булмас.
• Бер су белән генә торып булса, балык кармакка капмас иде.
• Бер тамчы су, диңгезгә төшсә, кипми.
• Биек күтәрелгән егылудан курка.
• Биек тауның башы — якын, төбе ерак күренә.
• Биектән дә биек бар.
• Бикле сандыкта җәүһәр ятыр.
• Болытсыз яңгыр булмас.
• Былтыр кысканга бүген кычкырмыйлар.
• Вакыт акча түгел, югалтсаң таба алмассың.
• Вакыт акчадан кадерлерәк.
• Вакытың үтте — бәхетең китте.
• Давыл алды тын була.
• Давылны явым басар.
• Диңгез вак елганы да кире какмый.
• Диңгездә су кыйбат.
• Елга күпме боргаланса да диңгезгә төшәр.
• Ерак белән якынны йөргән белә.
• Җәй көне бияләй, кыш көне майка сатып ал.
• Җәй эшләсәң, кыш ашарсың.
• Җәйгә чыксаң кышны уйла, кышка керсәң җәйне уйла.
• Җете кызыл тиз уңа.
• Җиңелне җил күтәрер, авыр урынында калыр.
• Җиңелне эзләгән авырга каба.
• Җирдән бизеп күккә чыгып булмый.
• Җиренә күрә чишмәсе.
• Җисеме булса, исеме булыр.
• Заман үтми, гомер үтә.
• Изге урын буш булмас.
• Иртә кичтән хәерлерәк.
• Иртә торган эшеннән куанган.
• Искә алмаган түмгәк чана аудара.
• Кара ташны юсаң да агармый.
• Караңгы төннән соң якты көн килә.
• Караңгылык яктылык белән бетә.
• Кечкенә таш баш ярыр.
• Кечкенә чишмәләрдән зур елгалар була.
• Коега таш ташлау җиңел, алуы авыр.
• Кояш барына да бертигез карый.
• Кояш та тапсыз булмый.
• Көз бай булма, яз бай бул.
• Көн озаймый, төн кыскармас.
• Көннең киче иртәсеннән билгеле.
• Кул пычранса, су белән юарсың, су пычранса, ни белән юарсың?
• Күккә карап, җирне уйла.
• Күл тамчыдан җыела.
• Күләгәдә таш та мүкләнә.
• Күпкә китсә, чүпкә китә.
• Күрмәгән җирнең күле — сөт, күмәче — бал.
• Күрмәгән җирнең чокыры күп.
• Олы ташны кече таш белән яралар.
• Су, ага-ага, юлын табар.
• Су синең артыңнан бармаса, син суның артыннан бар.
• Суга сөялмә.
• Суда балык адашмас.
• Сулда солтан булса да, уңга бар.
• Суның агымына карап йөзәсең.
• Суы булган җир кадерле, җире булган ир кадерле.
• Таш чүлмәккә бәрелсә дә, чүлмәк ватыла; чүлмәк ташка бәрелсә дә, чүлмәк ватыла.
• Таш ялгыш тияр, чүлмәк дөрес ватылыр.
• Ташны таш белән ваталар, тимерне тимер белән игиләр.
• Тегермәнне эшләткән дә су, ваткан да су.
• Тимерне тимергә салып таптыйлар.
• Тирән елга тавышсыз ага.
• Түбәннән югарыга ун ел менәләр, югарыдан түбәнгә ун көн дә җитә.
• Тын сазда корт күп була.
• Тыныч күлдә җеннәр күп үрчи.
• Үз җирең бер карыш булса да яхшы.
• Үз урынын белмәгән урынсыз калыр.
• Үткәнгә үкенеп файда юк.
• Һавага карап йөрмә — абынырсың.
• Һәрбер кара нәрсә шакшы булмас, һәрбер ялтыраган яхшы булмас.
• Һич булмаганчы кич булсын.
• Черек бау белән коега төшмә.
• Чүп булып күп булганчы, аз булып үз булсын.
• Шаулаган судан курыкма, шым судан курык.
• Эчмәм дигән коедан өч әйләнеп су эчәрсең.
• Югарыга үрмәлиләр, түбәнгә тәгәриләр.
• Ярканат яратмый дип, кояш чыкмый тормый.
• Яхшы таш үзен белдерер.
• Яхшыга да бер кояш, яманга да бер кояш.

Уку, белем алу

• Китап — белем чишмәсе.
• Уку — инә белән кое казу.

Әдәп, әхлак, холык.

• Кешегә баз казыма, үзең төшәрсең; казысаң, тирәнрәк казы — чыга алмассың.
• Коега төкермә, кайтып су эчәрсең.
• Сай елга шалтырап ага, тирән елга — тавышсыз.
• Таш белән атканга аш белән ат.
• Түбән җирдә бер түбә үзен тауга санаган.
• Түбәнгә карап шөкер ит, югарыга карап фикер ит.
• Түбәң күктә булса да, аягың җирдә булыр.
• Урынына куйсаң, урыныннан алырсың.
• Чокырны икене казы, үзеңә дигәнен — тирәнрәк.

Эш сөю, тырышлык, булдыклылык.

• Авыр таш, кузгатсаң, җиңеләя.
• Идел суы да барып алмыйча килми.
• Эшләгән җиз ялтырар, эшләмәгән — черер.
• Эшләгән тимер ялт итәр, эшләмәгәнен тут басар.

Байлык, мал.

• Җире байның иле бай.

← Артка