Бәгырем

Тал бөреле, тал бөреле,
Тал бөреле була ул;
Җан яраткан, күңел тарткан
Яр бер генә була ул.

Бәгырем, диярмен,
Сүрелмәс булсаң гына.
Өзелеп сөярмен,
Үземә булсаң гына.

Аклы күлмәгем каралса,
Каралысын киярмен;
Яшерен янып, яшерен көеп,
Бәгырем, сине сөярмен.

Бәгырем, диярмен,
Сүрелмәс булсаң гына.
Өзелеп сөярмен,
Үземә булсаң гына.

Агыйделгә суга барсам,
Күрәм суның кондызын;
Ах, бәгырем, син бит минем
Чын мәхәббәт йолдызым.

Бәгырем, диярмен,
Сүрелмәс булсаң гына.
Өзелеп сөярмен,
Үземә булсаң гына.

Сирень чәчәк аткан чакта
Яратам сирень исен;
Ах, бәгырем, син белмисең
Саргаям синең өчен.

Бәгырем, диярмен,
Сүрелмәс булсаң гына.
Өзелеп сөярмен,
Үземә булсаң гына.

Җырны йөкләргә: TXT PDF

← Артка

Артка
Өскә